لڑکی کی محبت

 *اپنی ھوس پوری کرنے کے لئے مرد کی شاطرانہ چالیں, ہر میری بہن بیٹی ماں یہ پوسٹ پڑھ کر آگے ضرور شئیر کرے تاکہ تمام بہنیں مرد کی دھوکہ دھی سے محفوظ رہ سکے کچھ نامناسب الفاظ پر پیشگی معذرت*

کالج میں ایک لڑکے نے مجھ سے اظہار محبت کیا. اسے میں نے بہت سمجھایا لیکن اُسے ذرا اثر نہیں ہوا. وہ کٹر قسم کا ہٹ دھرم تھا یا پھر اس بات پر یقین رکھتا تھا کہ کوشش جاری رکھو، ایک نہ ایک دن مان ہی جائے گی. میں اُس کی باتیں سن کر ہنستی تھی، وہ دل میں خوش ہوتا تھا کہ ہنسی تو پھنسی، پر اُسے یہ کہاں معلوم تھا میری ہنسی کا مطلب ہے کہ ہنسوں تو کبھی نہ پھنسوں.

آج پھر وہ چلا آیا تھا.

اچھا تو تمھارا یہ دعوی ہے کہ تم محبت کرتے ہو مجھ سے، کیا ہوتی ہے محبت؟ کچھ معلوم ہے اس کے بارے میں ...؟ جس سے محبت ہو اس کے حقوق کا علم ہے تمھیں ..؟ یہ فرائض سرانجام دینے کے قابل ہو تم.

اُس کے چہرے پر حیرانی کے سائے لہرانے لگے. اُسے ان گہری باتوں کا علم ہی کہاں تھا. وہ تو بس فلموں، ڈراموں کی آغوش میں جوان ہوا جیسے اپنے بڑوں کو دیکھا ویسی تربیت پاکر ہزاروں نوجوانوں کی طرح اپنی فطری ضروریات کے ہاتھوں مجبور ہو کر محبت کا مفهوم اپنی روح میں سمو چکا تھا.

سچ میں جب سے تمھیں دیکھا ہے، میرا چین و سکون لٹ گیا ہے. ہر جگہ تم ہی دکھائی دیتی ہو ،میں سچی محبت کرتا ہوں، پلیز مان جاؤ نا.

کیا مان جاؤں؟ میں نے بے نیازی سے پوچھا.

تم بھی پیار کر لو مجھ سے، بہت خوش رکھوں گا تمھیں، ہر بات مانوں گا.

اچھا میری ہر بات مانو گے.

ہاں! ہر بات مانوں گا، تم نہیں جانتی تمھاری یہ عام سی آنکھیں میرے لیے کتنی خاص ہیں.

لوگوں کو تو محبوبہ کی آنکھیں جھیل جیسی گہری لگتی ہیں، تم انھیں عام کہہ رہے ہو.

آپ نے خود ہی تو کہا تھا کہ بناوٹی باتیں آپ کو پسند نہیں، یہ سب جھوٹی تعریفیں ہوتی ہیں، اس لیے سچ بتا رہا ہوں کہ چاہے یہ آنکھیں عام سی ہیں پر میرے لیے تو بہت خاص ہیں.

خاص کیوں ہیں؟ کوئی وجہ؟

کیونکہ ان سے ذہانت ٹپکتی ہے، جب آپ کے لب پھول گراتے ہیں تب یہ بھی پورا ساتھ دیتی ہیں، ایسا لگتا جیسے یہ بھی بول رہی ہوں ...

اوہ ...... ! تو محبت کی پہلی سیڑھی چڑھ ہی گئے ہو تم.

اچھا بتاؤ، میری ہر بات مانو گے؟

ہاں ہر بات ...

تو پھر میری محبت اپنے دل سے نکال دو، اگر تم سچی محبت کرتے ہو مجھ سے تو میری یہ بات بھی مانو گے.

اُس کی آنکھوں میں پانی جمع ہونے لگا تھا جیسے اندر ہی اندر جذب کرنے کی وہ ناکام کوشش کر رہا ہو.

ٹھیک ہے آئندہ آپ نہیں دیکھو گی مجھے ...

یہ کہہ کر وہ خاموشی سے چلا گیا.

اس لیےکہ وہ مجھے یقین دلانا چاہتا تھا کہ واقعی مجھ سے سچی محبت کرتا ہے. اور یہی ایک لمحہ ہوتاہے لڑکی کے ارادوں کو دھڑام سے گراکر ان کے اوپر اپنی خواہشات کا ستون کھڑاکرنےکا اور عمومًا لڑکیاں یہیں پہ پھسل جاتی ہیں مگرمچھ کے آنسو دیکھ کر لیکن میرے ساتھ الله کی  رحمت اورمدد ہروقت موجود تھی سو میرے لبوں پر مسکراہٹ پھیل گئی. میں نے دل میں سوچا کہ تم مجھے بیوقوف نہیں بنا سکتے.

کافی دن گزر گئے، اُس نے مجھ سے کوئی بات نہیں کی، کوئی کال نہ میسیج.

پھر ایک دن وہ خود ہی میرے پاس چلا آیا.

میں نے تمہاری محبت اپنے دل سے نکال دی ہے. اب تم میرے لیے ایک عام عورت ہو.

اسکےالفاظ خصوصًاعورت سن کر میں کھلکھلا کر ہنس پڑی ...

پتہ میری محبت کیوں نکلی ہے تمہارے دل سے؟ کیونکہ یہ محبت کبھی تھی ہی نہیں، محبت کبھی دل سے نہیں نکلتی بشرطیکہ سچی ہو. محبوب کے ساتھ حقیقی پل تو دور کی بات، کبھی خیالوں میں بھی اس کا ہاتھ تک پکڑنا نصیب نہ ہواہو، اور نہ ہی وہ شدتوں کو جانتا ہو، پھر بھی دل سے محبت نہیں نکلتی.

وہ شرمندہ سا ہوا.

تمھیں کیا پتہ میں کتنا رویا ہوں؟ کتنی راتیں جاگ کر گزاری ہیں؟ کتنا سوچا ہے؟ پھر میں نے خود کو سمجھایا کہ میں تمہاری بات مانوں گا، فریادی بن کر اب نہیں آؤں گا، اس لیے کہہ رہا ہوں محبت ختم ہو گئی. شادی تو ویسے بھی تمہارے ساتھ نہیں ہو سکتی تھی .

کیوں مجھے خارش ہے؟ میری رگ مزاح پھڑک اٹھی. جومجھے مزید مضبوط کرگئی.

پھر ہنستے ہوئے اس نے بتایا کہ ہمارے خاندان والے برادری سے باہر شادی نہیں کرتے.

تو کیا تمھارے خاندان والے کسی کی عزت کی دھجیاں اڑانے کیلئے برادری سے باہر محبت کر لیتے ہیں؟

میں نےاسےزچ کرنےکیلیئےچوٹ ماری

وہ چپ رہا، کیا جواب دیتا.

خیر میں تم سے دوستی کرنا چاہتا ہوں، تم بہت اچھی لڑکی ہو، اگر تم میری محبت میں گرفتار ہو جاتیں تو میری نظروں میں اپنی اہمیت کھو دیتیں، اور ہم لڑکے واقعی ایسی لڑکیوں سے محبت تو خوب کرتے ہیں پر شادی نہیں ....

اب کے حیران ہونے کی باری میری تھی. میری پلاننگ کامیاب ہورہی تھی. کاش ہر لڑکی پلاننگ کے ساتھ چلےتو یہ شکاری آئےروزکسی کی روح زخمی نہ کرسکیں ... وہ سچ مان رہا تھا.

پر میں اس کی دوسری چال بھی سمجھ گئی. ایسے مرد کو بس اطمینان چاہیے ہوتا ہے، چاہے ذہنی ہو یا جسمانی، جب اُسے یقین ہو گیا کہ میں واقعی ہاتھ آنے والی نہیں تو اُس نے دوستی کا ہاتھ بڑھایا. وہ میرے ساتھ باتوں سے ذہنی تسکین چاہتا تھا، وقت اچھا گزارنا چاہتا تھا. اور یہ بھی ممکن تھاکہ اس طرح وقت گزرتےگزرتے میں بھی بھٹک جاتی ...

اچھا دوستی کر کے کیا کریں گے؟ اچھے دوست کیسے ہوتے ہیں؟ میں نے اس سے پوچھا.

ہم اپنی ہر بات ایک دوسرے سے شیئر کیا کریں گے، میں آپ کو گفٹ دیا کروں گا، اکھٹے شاپنگ پر جائیں گے، خوب گھومیں پھریں گے، کھابے اڑائیں گے، دکھ سکھ کے ساتھی، بالکل اچھے دوست بنیں گے ہمیشہ ساتھ رہنے والے.

محبت کی جگہ اب دوستی کا لفظ آ گیا تھا مگر ترجیحات اور مقاصد و معاملات وہی تھے.

ایک لڑکا لڑکی کبھی دوست نہیں ہو سکتے، ہاں کلاس فیلو ہو سکتے ہیں، جب سٹڈی ختم ہوئی رابطہ ختم. لیکن دوستی تو وہ ہوتی جو مستقل رہے.

محبت تم نہیں کرتی، دوستی پر تمھیں اعتراض ہے. اچھا تو بہن بن جاؤ. میں اتنی اچھی لڑکی کھونا نہیں چاہتا.

میں بھی اتنی اچھی لڑکی کو بگاڑنا نہیں چاہتی. میں نے دل میں سوچا.

یہ اس کا آخری حربہ تھا محبت اور دوستی میں دال نہ گلی تو منہ بولی بہن..

اچھا بھائی بہن بن کر کیا ہوگا؟ میں نے پوچھا

دونوں ساتھ وقت گزارا کریں گے، اپنی ہر بات شیئر کریں گے، صبح صبح اکٹھے سیر کو جایا کریں گے، جاگنگ کریں گے، ٹینیس کھیلیں گے، بہت خوش رہیں گے دونوں. یہ زندگی بورنگ نہیں لگتی تمھیں جو گزار رہی ہو، تھوڑا سا بدلو تم خود کو. دیکھنا کتنی خوشیاں ملتی ہیں، سچی بھائی بہن والا رشتہ ہوگا، کوئی ایساویسا نہیں بالکل …

اور اس دوران تم بہن لفظ کا سہارا لے کر مجھ سے اپنی ذہنی تسکین حاصل کرتے رہوگے، نظروں سے ہی میرے چہرے کو چھوتے رہو، ٹینس کھیلتے ہوئے میرے بدن کے اتار چڑھاؤ کو للچائی نگاہوں سے دیکھتے رہو، تمھارا وقت رنگین ہو جائے گا.

میں خاموش نظروں سے کہہ رہی تھی، وہ کن اکھیوں سے دیکھتا ہوا جواب کا منتظر تھا..

سوری میری خوشیاں، کھابے، سیر، جاگنگ، زندگی کے رنگ، ٹویسٹ، قہقہے، دکھ سکھ کسی غیر مرد کے محتاج نہیں. یہ سب میں نے اپنے حقیقی ہمسفر کیلیئے امانتًا رکھے ہوئے ہیں ... 

میں اپنے پاپا کے ساتھ سیر کو جاتی ہوں. باپ کی شفقت بھری گفتگو بہت لطف دیتی ہے. میری ماں میری سب سے اچھی دوست ہے، میرے دکھ سکھ کی ساتھی ہے. میری سکھیاں کھابے اُڑانے میں لاجواب ہیں، اُن کے ساتھ میرا وقت بہت اچھا گزرتا ہے. میرے ٹیچرز میرے رہنما ہیں. اپنے بھائی کے ساتھ میں گھنٹوں باتیں کرتی ہوں، معصوم شرارتیں دو منٹ میں ناراض دو منٹ میں راضی، ایک دوسرے کے بنا ذرا وقت نہیں گزرتا، اس کے پیچھے بائیک پر بیٹھے ہوئے میں آزاد فیل کرتی ہوں، اس کے ساتھ شاپنگ کا جواب نہیں. میں بہت خوش ہوں. ایک نیا رشتہ بنا کر اُس ایک کی خاطر میں ان سب رشتوں کی مٹھاس نہیں کھونا چاہتی ...

پتہ نہیں لڑکیوں کی حسین زندگی غیر مردوں سے ہی کیوں جڑی ہوتی ہے؟ خوبصورت خوابوں کے چکر میں عمر بھر کے لیے آنکھیں اور روح زخمی کروا لیتی ہیں.

اتنا کہہ کر میں چلی آئی. اس کا ری ایکشن کیسا تھا؟ میں نے دیکھا نہیں، لیکن اسے ایک سبق ضرور مل گیا تھا.

میں نے گھر آ کر سجدہ شکر ادا کیا اور آنکھ اشکبار ہو گئی. میرے اللہ تو مجھےایسے ہی ثابت قدم رکھنا، اس ہوش ربا عہد کی پیداوار ہو کر بھی میرے قدم ذرا نہ ڈگمگائیں ...

مولاکریم تیری رحمت کاواسطہ دیتی ہوں میری ہر دینی بہن کو اپنے حفظ وامان میں رکھنا ....

    

التماسِ دعا  

اَلَّهُمَّ صَلِّ عَلَى ُمحَمَّدِ ُّوعَلَى اَلِ مُحَمَّدٍ كَمَا صَلَّيْتَ عَلَى اِبْرَاهِيْمَ وَعَلَى اَلِ ابْرَاهِيْمَ اِنَّكَ حَمِيْدُ مَجِيِداَلَّهُمَّ بَارِكْ عَلَى مُحَمّدِ ٌوعَلَى اَلِ مُحَمّدٍ كَمَابَارَكْتَ عَلَى اِبْرَاهِيْمَ وَعَلَى اَلِ اِبْرَاهِيْمَ اِنَّكَ حَمِيُد مَّجِيد.

*نوٹ* *اس پیغام کو دوسروں تک پہنچائیے تاکہ اللہ کسی کی زندگی کو آپ کے ذریعے بدل دے*